khuda gar mere hathon mein dilase ki chilam bharta
main ahl-e-hijr ke thande pade sinon mein dam bharta

agar mujh ko kisi ke husn ka mausam na ras aata
main dil ke sare khanon mein teri furqat ke gham bharta

musawwir main hasin lagta tere sab shahkaron se
tu mujh mein rang to bharta bhale auron se kam bharta

bahut thak kar sawal-e-wasl us se kar diya main ne
main kab tak dekha-dekhi se mohabbat ka shikam bharta