khuda ke ghar sadak koi nahin jati
chalo paidal wahan lorry nahin jati

chali jati hai hansne aur hansane se
dawa khane se bimari nahin jati

ziyaada sochne se nind jati hai
magar is se pareshani nahin jati

muafi man ne de di khwab mein aa kar
magar sar se pashemani nahin jati

use jaane diya roka nahin main ne
kabhi us ki ye hairani nahin jati

mohabbat ho gai to ho gai 'atish'
kabhi ye wali bimari nahin jati