khun-e-dil se rah-e-hasti ko farozan kar len mo'atabar aur bhi hum jashn-e-gulistan kar len daur par daur chale jam ko raqsan kar len doston aao ilaj-e-gham-e-dauran kar len ek nae rang se tazin-e-gulistan kar len lakh ho daur-e-khizan jashn-e-bahaaran kar len phir na chhat jaen kahin ranj-o-mehan ke baadal apni zulfon ko zara aap pareshan kar len shama phir hasrat-o-arman ki raushan kar ke chand lamhon ko sahi jashn-e-charaghan kar len justuju aur nai bahr-e-husul-e-manzil apni raftar su-e-khar-e-mughilan kar len gham-e-dauran ko ai 'jaanbaz' bhulane ke liye aao maikhane mein tafrih ka saman kar len