khushbu hamare pyar ki us tak pahunch gai
taswir e'tibar ki us tak pahunch gai

aawaz de raha tha koi dur se mujhe
tanhai intizar ki us tak pahunch gai

kal sham hi to us se mili thi meri nazar
shiddat mere khumar ki us tak pahunch gai

wo mujh ko chahta hai mujhe tab pata chala
chabi jab ikhtiyar ki us tak pahunch gai

pagal hawa ne haal sab us ko bata diya
yani khabar bahaar ki us tak pahunch gai