kis ki aankhon ki hidayat se mujhe dekhta hai aaina apni firasat se mujhe dekhta hai jab se utre hain mere dil pe ye aalam-e-zamin aasman jhuk ke rifaqat se mujhe dekhta hai main gunahgar hun aankhon mein abhi tak apni jaane wo kis ki niyabat se mujhe dekhta hai mail-e-raqs nahin panw mein zanjir nahin phir bhi zindan hai ki wahshat se mujhe dekhta hai ek din dali thi buniyaad mashaqqat ki yahan ab ye sahra bhi mohabbat se mujhe dekhta hai dil ki aawaz pe nikla tha baghawat ke liye shahr ka shahr himayat se mujhe dekhta hai raushni chhai hui rahti hai ab mujh pe 'taraaz' koi to hai jo inayat se mujhe dekhta hai