kis ne ki baat abhi kaun shanasa nikla yaad aaya to mera apna hi chehra nikla garmi-e-zist nahin aaj muqaddar mein mere aaj suraj bhi jo nikla to adhura nikla laut jaane mein lagenge mujhe barson shayad ye samundar to meri soch se gahra nikla jism to le gaya wo raat mein chori kar ke subh bistar se mere jism ka khaka nikla zahmat-e-nutq se yun bach gae donon aakhir main hi gunga na tha wo shakhs bhi bahra nikla