kisi aawaz ke pichhe gae hain
na-jaane kis taraf bachche gae hain

bahut kuchh hum ne badla hai agarche
muqaddar arsh par likhe gae hain

tijarat-e-gah-e-duniya ka na puchho
yahan insan tak beche gae hain

ghane ashjar bhi raste mein aae
magar hum hain ki bas chalte gae hain

ba-su-e-ab pyase khwab le kar
hum apne sae se pahle gae hain

hum apne ghar nahin le ja sake kuchh
hamesha rah mein lute gae hain