kisi ke sath bhi us ne wafa nibhai kya
bas is sawal pe deta rahun duhai kya

jise na hosh hai khud ka na fikr duniya ki
to us ko sochiye parwah-e-jag-hansai kya

ab aasman mile ya mile qafas hum ko
wo sath hon to hamein qaid kya rihai kya

unhon ne khat nahin bheja pa ye bata qasid
unhen hamari kabhi yaad bhi na aai kya

bujhi bujhi si tabiat hai kyon meri yaro
unhon ne phir meri jhuti qasam uthai kya

tamam un ke bahane hain 'raaz' warna wo
jab aa rahe hain to phir june kya july kya