kisi surat masafat mein kami hone nahin dete shajar be-dard hain chhanw ghani hone nahin dete sahar hote hi har jaanib dhuan sa phail jata hai ye baadal is nagar mein raushni hone nahin dete wo roz-o-shab hamein eazaz par eazaz dete hain magar ehsas-e-zillat mein kami hone nahin dete ta'alluq kuchh bhi ho qaem had-e-fasil to rahti hai wo hum se dosti ya dushmani hone nahin dete bujha dete hain jo jalta chamakta jagta suraj kisi ko raat ka ehsas bhi hone nahin dete wo sail-e-tund-khu hain barq ki surat guzarte hain koi diwar raste mein khadi hone nahin dete jala kar khak kar dete hain jo taza shagufon ko wo suraj hain jahan mein tirgi hone nahin dete wo hum ko nit nae khwabon ke aaine dikhate hain magar ummid ki surat-gari hone nahin dete use jaane nahin 'shahzad' dete hum tasawwur se kabhi viran hum dil ki gali hone nahin dete