kitab-e-zindagi ka har warq kahne ko sada hai magar jo kuchh bhi likkha hai huruf-e-khun mein likha hai ye sari shan-o-shaukat kuchh nahin nazron ka dhoka hai asasa aashiyane ka jise kahte ho tinka hai lahu de kar jo sincha tha gulistan-e-wafa hum ne gulon ke jism se wo rang ban kar phut nikla hai ye meri khush-nasibi hai ki us but ne ba-dast-e-khud sar-e-fihrist diwanon mein mera nam likkha hai hawaen dhundhti phirti hain us mard-e-mujahid ko faraaz-e-dar par jis ne charagh-e-zist rakkha hai yaqinan zakhm-e-dil ke sare tanke tut jaenge teri nazron ka jadu dil pe shoala ban ke lapka hai kabhi shahr-e-tamanna mein to aa kar dekh jate wo dar-o-diwar par har samt kis ka nam likkha hai sitam ka aur mauqa us ko mil jaega ai 'hairat' isi bais wo jine ki duaen mujh ko deta hai