koi subut na hoga tumhaare hone ka na aaya fan jo qalam khun mein dubone ka har ek baat pe bas qahqahe baraste hain ye tarz kitna nirala hai dil ke rone ka shuru tum ne kiya tha tumhein bhugatna hai jo silsila tha ghalat-fahmiyon ko bone ka shanakht ho to gai apne aur parae ki nahin hai gham mujhe umr-e-aziz khone ka 'rais' fikr-e-sukhan raat bhar jagati hai koi bhi waqt muqarrar nahin hai sone ka