kuchh bhi ho mera haal numayan to nahin hai dil chaak sahi khair gareban to nahin hai husn-e-talab-e-barq hai tamir-e-nasheman warna hawas-e-sair-e-gulistan to nahin hai kuchh naqsh teri yaad ke baqi hain abhi tak dil be-sar-o-saman sahi viran to nahin hai hum dard ke mare hi garan-jaan hain wagarna jina teri furqat mein kuchh aasan to nahin hai tuta to aziz aur hua ahl-e-wafa ko dil bhi kahin us shokh ka paiman to nahin hai