kuchh mitha kuchh khaara-pan hai
kya kya swad liye jiwan hai

kaise aankh mila kar bole
saf nahin jab is ka man hai

shikwe bhi un se hi honge
jin se thoda apna-pan hai

dhan hi dhan hai ek tabqe par
ek tabqa behad nirdhan hai

sukha hai to badh kahin par
barsa ye kaisa sawan hai

kal nishchit hi kaam banenge
aaj bhale hi kuchh adchan hai

dil ka hai wo saf bhale hi
lahje mein kuchh kadwa-pan hai