kya khabar thi is qadar wo bewafa ho jaega ek din saya mera mujh se juda ho jaega had se badh kar gar kisi ko tum ne chaha phir wahi ba-wafa hote hue bhi bewafa ho jaega zulm ki bhi intiha hoti hai itna soch le aah ke shoalon mein jal kar tu fana ho jaega gar bacha kar ji liye iman ko is daur mein dosto phir zindagi ka haq ada ho jaega is liye karta nahin ab dard-e-dil ka main ilaj dard jab had se badhega khud dawa ho jaega