kya koi taswir ban sakti hai surat ke baghair phir kisi se kyun mile koi zarurat ke baghair dushmani to chahne ki intiha ka nam hai ye kahani bhi adhuri hai mohabbat ke baghair teri yaaden ho gain jaise muqaddas aayaten chain aata hi nahin dil ko tilawat ke baghair dhup ki har sans ginte sham tak jo aa gae chhanw mein wo kya jien jine ki aadat ke baghair bach gaya daman agar mere lahu ke dagh se wo mera qatil to mar jaega shohrat ke baghair us ki sardari se ab inkar karna chahiye raushni deta nahin suraj siyasat ke baghair husn ki dukan ho ki ishq ka bazar ho yan koi sauda nahin hai dil ki daulat ke baghair shabnami chehra chhupaun kaise bachchon se 'fahim' sham aati hi nahin ghar mein tahaarat ke baghair