kya kya fareb dil ko diye iztirab mein un ki taraf se aap likhe khat jawab mein kya jaanen kya sikhaenge un ko salahkar har roz guftugu hai nai mere bab mein pir-e-mughan ki dil-shikani ka raha khayal dakhil hua hun tauba se pahle sawab mein rakhna qadam tasawwur-e-jaanan sambhaal kar kai hai ja-ba-ja meri chashm-e-pur-ab mein ai shaikh jo batae ma-e-ishq ko haram aise ke do lagae bhigo kar sharab mein ai 'dagh' koi mujh sa na hoga gunahgar hai masiyat se meri jahannam azab mein