kya qayamat hai buton ki bazm mein jaane ka haz
hum ko khidmat ka unhon ko kaam farmane ka haz

wasl mein bhi dard-mandon ko nahin rahat nasib
dekh lije shama ke milne se parwane ka haz

is taraf gul tutta hai us taraf bulbul ka dil
kya raha gulchin ke hathon bagh mein jaane ka haz

ji nikalta hai mera is par ki kab aaega hath
yar ke panw pe sar ko rakh ke mar jaane ka haz

bujhta hai khub kaifiyyat nazare ki 'yaqin'
us nigah-e-mast se leta hai maikhane ka haz