kyon mubtala-e-ishq ko ruswa kare koi
us rashk-e-gul ki kaise tamanna kare koi

koi hasin sham-o-sahar dekhta rahe
guzre hue zamane ko dekha kare koi

allah ne ye saf kaha hai quran mein
kafir kaho jo ghair ko sajda kare koi

lahja hai narm aisa ki dushman hua hai dost
phir kis tarah se us se kinara kare koi

dil mein mere liye jo khulus-o-wafa nahin
aakhir 'said' kaise guzara kare koi