labon par un ke hayat-afrin hansi na rahi gulon mein ruh sitaron mein raushni na rahi khuda shanason ki pahchan hi koi na rahi ki sar-kashi bhi ba-andaz-e-sar-kashi na rahi fasana gardish-e-dauran ka nazm kar lete magar nigah mein un ki wo barhami na rahi waqar-e-zauq-e-tajassus pe harf aaega agar sharik-e-safar apne gumrahi na rahi hai apna soz-e-tabassum sharik-e-saz-e-chaman asir-e-girya-e-shabnam koi kali na rahi rahe nigah mein aadab-e-laghzish-e-ulfat khudi se dab ke kabhi apni be-khudi na rahi mila tha mauqa-e-takmil-e-dastan-e-hayat jabin-e-gul pe shikan aur khelti na rahi shab-e-firaq kuchh aise bhi hadse guzre charagh jalte rahe aur raushni na rahi banae hum ne 'shifa' dosti ke wo sanche ki dushmanon ko tamanna-e-dushmani na rahi