lai thi khalwat se dil ki na-shakebai mujhe
bazm mein bhi hai wahi ehsas-e-tanhai mujhe

lazzat-e-zakhm-e-tamanna se hun sargarm-e-safar
warna kab manzur thi ye jada-paimai mujhe

manzar-e-barbaadi-e-dil par to nam-dida tha main
log dikhlate rahe chehron ki zebai mujhe

sun raha hun der se apni sada-e-bazgasht
aarzu ka shahr hai sahra-e-tanhai mujhe

zindagi ke dasht-o-dar mein aarzu ki rah se
le gai dar-o-rasan tak aabla-pai mujhe