log phulon ko bahaaron mein jala dete hain hum to kanton ko bhi daman mein jagah dete hain hausle jine ke aadab sikha dete hain dubne wale ko sahil se laga dete hain zahmat-e-rahbari aap uthaya na karen raste khud mujhe manzil ka pata dete hain aadmi gardish-e-dauran se agar takrae hadse sharm se sar apna jhuka dete hain raat so jati hai jab sari khudai 'shaida' ek ek yaad ko hum hain ki jaga dete hain