mahtab gul-bahaar hai badli kapas hai
ye aasman zamin ka koi iqtibas hai

wo lakh khwab-nak sahi khwab bhi nahin
garche wo hai sarab magar aas-pas hai

baitha hua hun lag ke dariche se mahw-e-yas
ye sham aaj mere barabar udas hai

ek ishq ki hawas jo bahut ishq sa na ho
ek ramz ki kashish jo qarin-e-qayas hai

ek mor-pankh tak nahin suni dagar pe 'arsh'
dil ba'd-e-raqs-girya bahut be-asas hai