main us ki qaid se aazad bhi hota nahin tha
magar us qaid se nashad bhi hota nahin tha

bahut pahle se us ko chand kahta aa raha hun
ye tab ki baat hai jab chand bhi hota nahin tha

usi chehre ko shiddat se bhulane mein lage hain
wahi chehra jo hum ko yaad bhi hota nahin tha

mujhe hairat hai wo dil ab mujhi se bhar gaya hai
ki jo mere bina aabaad bhi hota nahin tha

hamare dasht mein koi parinde marta tha
sitam ye hai ki wo sayyaad bhi hota nahin tha

main khud se sikhta tha khud-pasandi ka hunar bhi
aur is fan ka koi ustad bhi hota nahin tha