main ne socha hai ki ab tark-e-tamanna kar lun zindagi jaise guzarti hai gawara kar lun lakh tufan uthen lakh kinare duben apni tuti hui kashti pe bharosa kar lun hawas-e-shauq na tadpae nigah-o-dil ko teri duniya se bahut dur basera kar lun bujhte jate hain sar-e-sham umidon ke charagh kis ki yaadon se dil-o-jaan mein ujala kar lun kaun mere liye tanwir liye aaega kis bharose pe sar-e-sham andhera kar lun apni virani-e-dil dekh ke ji chahta hai teri baaton teri nazron pe bharosa kar lun