manzilen bhul chuke azm-e-safar baqi hai rah-rau so bhi gae rahguzar baqi hai be-rukhi-ha-e-musalsal to nahin mera ilaj dil mein pahli si mohabbat ka asar baqi hai qafile walon ko rahzan ne musalsal luta rah-rau ab bhi ye kahte hain safar baqi hai aankhon aankhon mein kati raat par ai jalwa-e-dost dil ke bahlane ko kahte hain sahar baqi hai ek jhalak dekh liya husn ka jalwa 'akhtar' bijliyan khatm huin zauq-e-nazar baqi hai