maut ki sun ke khabar pyar jatane aae ruthne duniya se jo hum yar manane aae achchhe din aae to main ne ye tamasha dekha mere dushman bhi gale mujh ko lagane aae aaj mil kar mere dushman ka pata puchhte hain mujh se milne wo na milne ke bahane aae dard-o-gham aur udasi ke siwa kaun aata jin ko bheja tha mere ghar mein khuda ne aae phul hi phul khile jin ki badaulat ai dost un ke hisse mein na phulon ke khazane aae edhi walon ke siwa koi nahin tha us ka log muflis ka janaza na uthane aae ro diye wo bhi meri maut ke baad ai 'purnam' yaad jab meri wafaon ke fasane aae