mawara hue kab the mat hone wali thi
raushni larazti thi raat hone wali thi

zehn ke wakilon ne kya jawab dena tha
jism ke dhundalkon tak zat hone wali thi

lafz apne honton se sarhadon pe utre the
fasla hi baqi tha baat hone wali thi

aaj phir udasi thi sham se parindon mein
aaj phir darakhton par raat hone wali thi

aks tha jo pani se aaine mein utra tha
main 'amar' akela tha mat hone wali thi