mazid husn fasadat ki alamat hai
tera jamal isi baat ki alamat hai

jo baat kah na saka tujh se main akele mein
mera tadapna usi baat ki alamat hai

tere liye main zamane se roz ladta hun
kabhi to soch ye kis baat ki alamat hai

tadap tadap ke bhi jis ki sahar na ho pae
meri ghazal bhi usi raat ki alamat hai

tere siwa mujhe kuchh bhi nazar nahin aata
ye sab junun ke shuruat ki alamat hai