mera hausla dekh kya chahta hun
main qatra se dariya hua chahta hun

gharibon ke dukh ki dawa chahta hun
aur un ke dilon ki dua chahta hun

main ab zist mein kuchh naya chahta hun
ki kamre mein taza hua chahta hun

main ashkon se apne gunahon ko dho kar
tere dar pe hazir hua chahta hun

mere haal par rahm kar ai masiha
hun bimar-e-ulfat shifa chahta hun

tassub se ho pak har shakhs 'arman'
meri sadgi dekh kya chahta hun