mera lahja bada dil-gir hua karta hai
dil pe lag jae to zanjir hua karta hai

sher mein kuchh bhi kahen aap magar sahra to
aaj bhi qais ki jagir hua karta hai

baat to tab thi nazar bhi na uthani padti
tegh uthane se koi wir hua karta hai

ab main is chaak ki gardish pe nahin deta dhyan
kuchh na kuchh roz hi tamir hua karta hai

kaun aashob-e-shab-o-roz mein sunta hai ghazal
kis liye shahr mein dil 'mir' hua karta hai