meri aankhon ko meri shakl dikha de koi kash mujh ko mera ehsas dila de koi gharaz is se nahin wo kaun hai kis bhes mein hai main kahan par hun mujhe mera pata de koi dhundhta phirta hun yun apne hi qadmon ke nishan jaise mujh ko meri nazron se chhupa de koi dil ki takhti sar-e-bazar liye phirta hun kash is par teri taswir bana de koi yun tujhe dekh ke chaunk uthti hain soi yaaden jaise sannate mein aawaz laga de koi dusri samt hain khushbu ke ufuq ki subhen rang ke kohar ki diwar gira de koi sans roke hue baithe hain makanon mein makin jaane kab aur kise aa ke sada de koi