meri fikren hari-bhari karna
is december ko january karna

hum ko aata hai bach ke ghibat se
baat munh pe khari khari karna

mere ajdad-e-fan ko ras aaya
baadshahon ki naukri karna

hum kitabon ki fasl boenge
aap lafzon ki taskari karna

ek tasawwur sahi magar bachcho
aarzu-e-sikandari karna

jab mahakne lago gulon ki tarah
phir hamari barabari karna

aakhiri main hun aur mere baad
kis ko aaya payambari karna