misal-e-shabnam gul aazma rahi hai mujhe tere khayal ki khushbu bula rahi hai mujhe nigah mein samt girah mein bhi zar raha lekin meri malal-nigahi mita rahi hai mujhe tujhe bhulaun ki main khud ko bhul jaun yahan khayal-o-khwab ki duniya sata rahi hai mujhe main bhuk pyas se behaal ho ke sochta hun khushi ka muzhda qaza kyon suna rahi hai mujhe tamam ramish-o-rang us ke sath hain 'manzar' to is jahan se raghbat hi kya rahi hai mujhe