mishal-e-ummid thamo rahnuma jaisa bhi hai ab to chalna hi padega rasta jaisa bhi hai kis liye sar ko jhukaen ajnabi ke samne us se hum waqif to hain apna khuda jaisa bhi hai kis ko fursat thi hujum-e-shauq mein jo sochta dil ne us ko chun liya wo bewafa jaisa bhi hai sari duniya mein wo mere waste bas ek hai phul sa chehra hai wo ya chand sa jaisa bhi hai fasl-e-gul mein bhi dikhata hai khizan-dida-darakht tut kar dene pe aae to ghata jaisa bhi hai