mohabbat ka koi pauda lagana bhi zaruri hai use phir shak ki aandhi se bachana bhi zaruri hai chalo aapas mein talkhi aur ranjish ho hi jati hai tamasha kya zamane ko dikhana bhi zaruri hai kisi ke nam ko kaghaz pe likhna aur mita dena ek aise kaam par khud ko lagana bhi zaruri hai fasane chahaton ke lutf dete hain magar tum ko judai ka koi qissa sunana bhi zaruri hai yunhi udte hue panchhi munderon tak nahin aate mohabbat ke liye kuchh dam-o-dana bhi zaruri hai qadam to mil gae 'arshad' magar ye zehn mein rakhna mohabbat ko mohabbat se nibhana bhi zaruri hai