mujhe shiddat se chaho tum wo manzar dekh lete hain
chalo aisa karen qismat badal kar dekh lete hain

banaya hai mohabbat ne tumhein patthar to phir hum bhi
tumhin se tutne ko kanch ban kar dekh lete hain

badal kar phone number wo samajhte dur hain hum se
unhen dene ko khat hum bhi kabutar dekh lete hain

na thame hath jo na sath mera rahguzar mein de
khudaya is janam aisa hi rahbar dekh lete hain