mujh ko duniya ki tamanna hai na din ka lalach hae lalach hai to ek mah-jabin ka lalach ishq-bazi pe suna mujh ko malamat na karo haif hai jis ko na ho tum se hasin ka lalach haalat-e-qalb sar-e-bazm bataun kyunkar parda-e-dil mein hai ek parda-nashin ka lalach jab yahin taish mein guzre to wahan kya ummid na raha is liye hum ko to kahin ka lalach boriya takht-e-sulaiman se kahin behtar hai hum gharibon ko nahin taj-o-nagin ka lalach na main duniya ka talabgar na uqba ki hawas aasmanon ki tamanna na zamin ka lalach dil bhi do jaan bhi do zar bhi do us ko 'parwin' badh gaya sab se mere mah-jabin ka lalach