mujh ko zindagani se talkhiyan nahin hotin hath mein agar mere degreeyan nahin hotin baghban ne khud apna eatibar kho dala is liye baghiche mein titliyan nahin hotin har gharib mein un ko khamiyan nazar aain bas amir logon mein khamiyan nahin hotin zakhm ke liye aakhir ek zaban kafi hai har kisi ke hathon mein barchhiyan nahin hotin bad-duaon se bach kar aadmi rahe warna muflison ki aahon mein siskiyan nahin hotin kya pata unhen kaise janm din manate hain jin gharon mein khane ko rotiyan nahin hotin khush-nasib hain jin ko rahmaten milin 'raunaq' har kisi ki qismat mein betiyan nahin hotin