na hoga masala hal barhami se
kabhi to hum se miliye sadgi se

bahut si khubiyan hain tujh mein lekin
main ghabraata hun teri dosti se

jo har haalat mein khush rahne laga hai
mujhe milna hai aise aadmi se

mujhe tanha na karna doston se
bahut chahat hai mujh ko zindagi se

ziyaada raushni ras aai kis ko
mera sab kuchh hai ghar ki raushni se

agarche chalte chalte tak gaya hun
mujhe milna hai 'nashtar' aap hi se