na ikhlas-e-kaamil na be-dad puri
wafa bhi adhuri jafa bhi adhuri

wahi hum wahi tum wahi ranj-e-duri
mohabbat mein kya fasla hai zaruri

ba-in rabt-e-baham ba-in zabt-e-paiham
wahi na-shakebi wahi na-suburi

mohabbat ki duniya mohabbat sarapa
yahan koi khaki na nari na nuri

ye sab mantiq-o-falsafa be-haqiqat
abhi tak wahi aql ki be-shuuri

khudi ko khudi koi jaane na jaane
khuda ko khuda manna hai zaruri