na jin ko aaj ke gham hain na kal ke andeshe
is aab-o-gil mein milenge tumhein kahan aise

jo saya-dar shajar the wo sarf-e-dar hue
dikhai dete nahin dur dur tak sae

bachao dahr ko qahr-afrin hawaon se
yahi hawaen hain tufan se kil ke jhonke

ye dil ka zakhm dinon tak na mundamil hoga
agar nikala gaya khar dard-e-nashtar se

salib-e-waqt dikha kar daraiye na 'shamim'
isi salib pe har bar hum chadhae gae