nigah-e-naz ke maron ka haal kya hoga na bach sake to bechaaron ka haal kya hoga hamin ne ishq ke qabil bana diya hai tumhein hamin na hon to nazaron ka haal kya hoga hamare husn ki bijli chamakne wali hai na jaane aaj hazaron ka haal kya hoga bahaar-e-husn salamat khizan se puchh zara ki chaar din mein bahaaron ka haal kya hoga hum apne chehre se parda utha to den lekin gharib chand-sitaron ka haal kya hoga