nigah se bhi gae arz-e-haal se bhi gae
wo barhami hai ki hum bol-chaal se bhi gae

wo lafz jo main teri aarzu mein likhti thi
wo naqsh to meri lauh-e-khayal se bhi gae

misal deti thi duniya bhi jis rifaqat ki
wo fasle hain ki ab is misal se bhi gae

wo tairan-e-mohabbat jinhen falak na mila
udan bhar na sake aur dal se bhi gae

wo harf-e-marham-e-har-zakhm yaad the 'afroz'
ab un ke baad to hum indimal se bhi gae