nur hai raushni ka haala hai
ishq to ruh ka ujala hai

dil mein utre nihaal kar dale
ishq ka taur hi nirala hai

wo to kahta hai aao samjho tum
dil mein jis ne giyan dala hai

jal bunti hai nafs ki makdi
bas utaro ye shar ka jala hai

dil ki dargah mein jhuka jab sar
ishq ka bol tab se baala hai

dil ko mahsus bas hua jaise
ishq rui ka narm gala hai

zikr un ka hi ruh mein utra
ishq un ka mera hawala hai

ye sulagta hai aanch se gham ki
hijr ka 'shaz' dil pe chhaala hai