odh le phir se badan raat ke bazu nikle khwab-dar-khwab kisi khauf ka chaqu nikle aaine par kisi nakhun ki kharashon ka wahm aks nochun to wahan bhi tera jadu nikle teri aawaz ki kirnon se tasawwur raushan phul nikle ki tere jism ki khushbu nikle shoabda-gar teri aaghosh talak ja pahuncha tere pahlu se kai aur bhi pahlu nikle jashn-e-zindan ki riwayat ka bharam qaem hai jism ne raqs kiya aankh se aansu nikle