paigham zindagi ne diya maut ka mujhe marne ke intizar mein jina pada mujhe is inqalab ki bhi koi had hai dosto na-ashna samajhte hain ab aashna mujhe kashti pahunch sakegi ye ta sahil-e-murad dhoka na de khuda ke liye na khuda mujhe wo tul-e-umr jis mein na ho lutf-e-zindagi mil jae misl-e-khizr to kya faeda mujhe dun tera sath umr-e-rawan kis tariq se aankhen dikha rahe hain tere naqsh pa mujhe takhliq-e-kaenat ko socha kiya magar kuchh ibtida mili na 'safi' intiha mujhe