pas-e-fasil zamanon ka intizar na ho ye shahar aur kisi shahar ka ghubar na ho ye khwab bhi na kisi khwab ka ishaara ho ye nind aur kisi nind ka khumar na ho ye dasht aur kisi dasht ka sarab sahi ye bagh aur kisi bagh ki bahaar na ho bahut dinon se yahi soch kar pareshan hun ki tu bhi mere guman hi ka e'tibar na ho koi to wasl ki saat ho jo thahar jae koi to sans lun aisi ki jo shumar na ho