phir ek dusri hijrat nahin zamin nahin
ye meri mamlikat-e-dard mujh se chhin nahin

nawah-e-yaad ki dil ne musafirat chhodi
ki ek shakhs bhi us kunj ka makin nahin

ghubar-basta sitaron se bhar chuka aankhen
wo qafila, ki kisi subh ka amin nahin

main tere hadiya-e-furqat pe kaise nazan hun
meri jabin pe tera zakhm tak hasin nahin

safar mein hun ki nahin sochta rahta hun 'arsh'
zamin zaman nahin aur zaman zamin nahin