phir takhayyul yun kis ka mujh ko bahlane laga qurb jaise duriyon ka rup apnane laga us ke chehre ki ziya-pashi ko shab mein dekh kar chandni to chandni hai chand sharmane laga jaan kar toda kisi ne jab khilauna pyar ka dil koi tute khilaune hi se bahlane laga ahl-e-mahfil ki nazar mein jaise ek mujrim thi main uth ke jab wo shokh pahlu se mere jaane laga barha tark-e-talluq ke liye socha magar badh ke aage dil mera mujh ko hi samjhane laga thokaren kha kar hua mayus jab wo ghair se zulf meri hath mein le kar wo suljhane laga dil-jalon ki saf mein ai 'nasrin' tu bhi aa gai ab tere rang-e-taghazzul mein maza aane laga