purani chot main kaise dikhaun
uthe jab dard to phir muskuraun

bahut se log mujh mein ro rahe hain
aman kis kis ko yan par chup karaun

tumhaari yaad jo ab mar chuki hai
main us dafan kar dun ya jalaun

bahut ji chahta hai kuchh dinon se
main apne-ap se hi ruth jaun

meri khatir dua karna mere dost
kisi din khud ko sach mein bhul jaun

guzarish hai na mujh ko yaad aae
tamanna hai na tujh ko yaad aaun

tumhaara nam phir sahil pe likkhun
lahr se aane pahle khud mitaun

banaunga main khud ko ji kiya to
faqat bigdi hui main kyun banaun

main bhitar se bahut tuta hua hun
kisi se haal apna kya chhupaun